Bost preso maputxek gose greba utzi dute espetxez aldatuko dituztela jakitean
Lorena Fríes Txileko Giza Eskubideen Institutu Nazionaleko zuzendariak osteguna baino lehen Angoleko espetxera eramango dituztela jakinarazi ondoren, protestan ari ziren bost maputxeek gose grebarekin amaitzea erabaki dute.
Atzo goizean adierazi zien Friesek bost maputxeei Temucotik Angolera lekualdatzea onartu zutela. Maputxeek, berria entzun ostean, 23 egun zeramatzaten gose grebarekin amaitu dute.
Leonardo Quijón, Guido Bahamondes, Cristián Levinao, Luis Marileo eta Fernando Millacheok dira Temuco kartzelatik Angolekora aldatzea aldarrikatuz gose greban zeuden bost maputxeak. Senideengandik gertuago egotea eskatzen zuten.
Bestalde, lau preso maputxek ia 60 egun daramatzate gose greban Angoleko kartzelan, epaiketa justurik izan ez dutela salatzeko.
Kazetaritza independentea eta profesionala egiten dugu, euskaraz eta euskaldunontzat.