Manu Chaoren kontzertua Zurriolan Donostiako Piratek antolatutako jai herrikoien egunean

  • Donostiako Piratek jai herrikoien aldeko eguna antolatuko dute uztailaren 9an. Jaiaren barruan Manu Chao musikari ezagunak Zurriolan kontzertua eskainiko du. Aste Nagusitik kanpo izango da, Piraten webgunean jarritako ohar baten bidez jakinarazi dutenez. Beren baloreak lantzeko baliatuko duten egun osoko egitaraua prestatuko dute, dena doan eta “ekimen solidario” bat ere aurreratu dute.


2014ko maiatzaren 09an - 00:00
Azken eguneraketa: 2015-02-26 13:37:33
Manu Chao, artxiboko irudi batean (Arg: Prudence Upton)

#EdozerDuguPosible izango da egunaren leloa eta jai herrikoien ereduari babesa adierazteko antolatu  dute.  “Halako dimentsioa duen kontzertua gure ereduarekin antola daitekeela erakutsiko dugu”. Uztailaren amaieran Heineken Jazzaldia egin ohi den leku berean entzungo dira Parisen jaiotako musikariaren doinu mestizoak.

Helburua ez da ekonomikoa izango: “dirua beharrean, erdigunean pertsonak jarriko dituen bizi eredua aldarrikatzen dugu”.

Jaiak, baloreak transmititzeko

2003an sortu zuten Donostiako Piratak kolektiboa, hirian jai herrikoiak sustatzeko. Kontxa hondartzaren lehen Abordatzea egin zutenetik hamaika urte igaro dira honezkero eta tarte horretan milaka lagunek parte hartu dute Piratek antolatutako ekimenetan

Jaiak eraldaketa sozialerako tresna gisa ulertzen dituztela diote, eta Abordatu Dono$tia leloa erabili izan dute hasieratik, partaidetza, parekidetasuna, euskalduntasuna, auzolana, autogestioa eta irudimena bezalako baloreak sustatuz.

“Aste Nagusia aldatzen ari gara, eta jaietan saiatzen ditugun baloreak eguneroko bizitzan baliagarri direla sinesten dugunez, Donostia bera eta hiria bizitzeko modua ere aldatzeko ari gara lanean”.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
Azoka
Kanal honetatik interesatuko zaizu: Donostiako Piratak
2023-07-19 | Ilargi Manzanares
Aste Nagusi Pirataren bulkada eroa, abuztuaren 12tik 20ra

Aurtengo Aste Nagusi Pirata abuztuaren 12tik 20ra egingo da, eta jai herrikoi eta parte-hartzaileak aldarrikatuko ditu. Abordaia 14an egingo dute.


Hainbat kontzertu eta su artififzialak bertan behera utzi behar izan dituzte Donostiako Aste Nagusian

Donostiako Udalak eta Donostiako Piratak mugimenduak sare sozialen bidez jakinarazi zuten asteazken gaueko hainbat kontzertu eta su artifizialak bertan behera geratuko zirela. Haize-bolada indartsuengatik hartu zuten erabakia, herritarren segurtasuna bermatzeko. Zarauzko Udalak... [+]


Donostiako Piratek Abordatze jendetsua egin dute, hiru urteren ondoren

Bi urtez abordatze sinbolikoa egin ondoren, Abordatzea egin dute berriro ere Donostiako Piratek. Mugimenduak 20 urte bete ditu aurten eta hemeretzi joan dira lehen Abordatzetik. 2003ko abuztuaren 11n lehen aldiz itsasoratu eta espazio publikoaren erabilera komunitario eta librea... [+]


2022-07-21 | Irutxuloko Hitza
Zer kontzertu egongo dira Donostiako Piratetan?

Bi urteren ostean kontzertu egitarau indartsua prestatu dute Donostiako Piratek, Flamenka gunean. Erreferentziako gune bihurtu da musikazale eta festazaleentzat, eta, aurten ere, aukera zabala izango da, gustu guztientzako estiloekin, euskaraz eta parekidetasuna bermatzen... [+]


2022-07-14 | ARGIA
Donostiako Piraten kantu berria, 20. urteurrena ospatzeko

2003an abiatu zuten Piraten mugimendua Donostian, Aste Nagusiaren eredua ezbaian jarri eta jai herrikoiak aldarrikatzeko helburuz. Bi hamarkada geroago, berriz nabarmendu dute "jaia eraldaketa sozialerako tresnatzat" dutela, eta aurtengo ospakizunaren leloa ere horri... [+]


Eguneraketa berriak daude