Maite Goñi Ordiziako Jakintza ikastolako irakasleak Interneten jarri zituen hilaren 11n 2008ko EGA azterketak. Berriki paperean argitaratu dira azterketa horiek, eta Goñik digitalizatu egin zituen, sarean ere aurtengo EGA azterketa prestatzeko aukera eskainiz. Gaur IKTroak blogean idatzi duenez, goizean Eusko Jaurlaritzaren deia jaso du, egindako lana eskertuz, baina azterketak saretik ken ditzala esanez, azterketen liburu berriak “bere bidea egin arte”. Kendu ditu Goñik azterketak, eta blogosferan erreakzio batzuk eragin ditu dagoeneko administrazioaren jokabideak.