Jarraitu zuzenean meatzarien protestak Madrilen
Espainiar estatuko puntu ugaritatik joandako meatzarien hiru zutabeek bat egin zuten bart Madrilen. Gaur egun osoan protestak antolatu dituzte eta Poliziak kargatu egin du manifestarien aurka, Industria ministerioaren aurrean. Hemen zuzenean jarrai dezakezu.
Arratsaldean istiluak izan dira Industria ministerioaren aurrean.
Espainiako Estatuaren erdia oinez egin ostean, Asturiasko, Leongo eta Aragoiko meatzariak Madrilera iritsi dira. Rajoy presidentea bizi den Moncloa jauregiaren aurretik pasa dira "Hau Gobernu fatxa bat izateagatik gertatzen zaigu" garrasika. Bart gauean Sol Plazan bildu ziren eta milaka herritarren babesa jaso zuten.
Meatzariek hilabete eta erdi daramate greban Gobernuaren murrizketen aurka. Madrilgo suhiltzaileek ere bat egin zuten protestarekin, eta uniformez jantzita, meatzarien inguruan segurtasun lerroa osatu zuten, milaka pertsonak "hauek dira gure txapeldunak" oihukatzen zuten bitartean.
Informazio geihago:
Publico egunkariaren webgunean atzoko gauaren argazki galeria ikus daiteke.
Kazetaritza independentea eta profesionala egiten dugu, euskaraz eta euskaldunontzat.