Lurrama: arrakasta mahainean

  • Besta giroak du arrakasta gehiena ukan Lurraman. Aurtengo edizioa kausitua izan da nahiz jende gutixago ibili den egunaz ostiralean eta larunbatean. Apairuak eta igandeko egunak zinez jendetsuak izan dira aldiz.


2013ko urriaren 24an - 00:00
Azken eguneraketa: 2014-03-25 09:12:03
"Josie Riffaud (ezkerrean), Via Campesinako kidea, aurtengo edizioko gazama, Maryse Cachenaut-ren (mikrofonoan) ondoan" (Argazkia: Laborari)

Lurraren zaintzea zen lema nagusia aurten eta hitz ainitz izan dira laborantxaren zaintzearen alde. Aurtengo Lurramak gai inportanta mahain gainean ezarri du eta hor ziren guziek, hautetsiak barne, antolatzaileen argumentuak baieztatu dituzte. Hitzak obrez segituko direnez ez dakigu bainan gaiaren zabaltzeko balio izan du Biarritzeko saloinak.

Mintzaldi desberdinak hor ziren lekuko. Ostirale aratsaldean, Safer-ako eta EPFL-ko (Etablissement Public Foncier Local) ordezkariek adierazi dute lur galtzearen eta prezio azkarren kontra jokatzeko nahikeria badela beren egituretan, ahalak eskas badira ere batzutan. Bizkaiko Foru Aldundiak kudeatzen duen lur kutxa nola ibiltzen den esplikatua izan da : lurra erabiltzen ez duten jabeak, instalatzeko nahian diren laborariekin harremanetan ezartzen dituzte, azken hauen artean hautaketa eginez.

Lurzaindiaren lanaren goresteko parada desberdinak eskaini dira, lehena idekitze egunean berean. Alabainan, hitzaldien abiatzean, bi xeka emanak izan dira Lurzaindiari, bi partaideen eskutik: Herrikoak 75.000 eurokoa eta Terre de Liens elkarteak 50.000 eurokoa.

Aro ederrak jendea kanporat erakarri duelako udazkenaz goxatzeko, jende gutixago ibili da Lurramako erakusmahainen artean ostiralean eta larunbatean egunez. Nahiz ostiraleko egunak betiko arrakasta ukan duen eskolekin : 3.000 bat haur ibili da tailerretan eta bisitan. Arrastiria heltzean aldiz, mahainean jartzeko gutiziarekin edo giro goxoaz baliatzeko, jendea ez zen falta. Arratseko apairuak eta igandeko bazkariak bete dira. Antolatzaileak kontent agertu dira saloina bururatzean.

Gasna lehiaketa Lurramako gasna lehiaketak 50 gasnaz goiti ezarri ditu jastatzaileen esku eta ahotan. Usaian bezala, hiru kategorietan sailkatuak ziren. Huna irabazleak :

Bortuko gasna:

1. Pantxo Etxeberri, Apatesaro (Garazi)

2. Gaec Sempere, Elusaro (Garazi)

3. Yann Vaugon, Lesarregatia (Ahüzki)

Etxe gasna:

1. Gaec Artzainak, Bastida

2. Alexis Heguiaphal, Sohüta

3. Gaec Iruleia, Buztintze

Esnetegiak:

1. CLPB

2. Onetik

3. Azkorria


Kanal honetatik interesatuko zaizu: Laborantza
2024-03-18 | Garazi Zabaleta
Nekazariak eskolan
Eskola ezin bada baserrira igo, baserria jaitsiko da ikastetxera...

Hamar urte baino gehiago daramatza martxan Arabako Nekazariak Eskolan proiektuak, Hazi fundazioak zenbait ekoizlerekin elkarlanean bultzatzen duena. Haur eta gaztetxoak nekazal mundutik geroz eta deskonektatuago bizi diren garaiotan, inoiz baino beharrezkoagoa da elkar... [+]


Nafarroako nekazaritza-ekoizpen ekologikoak lurren %25 kudeatu nahiko lituzke 2030ean

Nafarroako sektore ekologikoa egonkor mantendu da azken urtean eta nekazaritza ekoizpena %5 handitu da. Nafarroako Nekazal Produkzio Ekologikoaren Kontseiluak erronka du 2030. urterako: lurren %25 ekologikoa izatea. "Bide horretan ari gara lanean, ahalik eta nekazari eta... [+]


Semilla y Belarra elkartea sortu dute Nafarroako O6 nekazarien mugimendutik

Aste honetan sortu da elkartea eta datorren astelehenean, hilaren 18an, laborarien sindikatuek Jose Mari Aierdi kontseilariarekin izango duten bileran egongo da.


2024-03-14 | Leire Artola Arin
EAEko nekazaritza lurren %5ak soilik dauka ziurtagiri ekologikoa

Gorantz egiten ari da nekazaritza ekologikoko eredua Araba, Bizkaia eta Gipuzkoan, Ekolurra Kontseiluak baieztatu duenez, baina Europako Itun Berdeak 2030erako helburutzat duen %25etik urrun dago oraindik.


2024-03-11 | ARGIA
“Talka-neurriak” adostu ditu Eusko Jaurlaritzak nekazaritza sindikatuekin

Eusko Jaurlaritzak, sindikatuekin egindako bileran, hamar konpromiso hartu ditu. Bilera ontzat eman badute ere, hauteskundeak egitear direnez, denborarik eza azpimarratu dute sindikatuek. ENBAk adierazi du denbora gutxi dutela neurriak gauzatzeko, eta UAGAk nabarmendu du... [+]


Eguneraketa berriak daude