Lur Berri kooperatibaren gainbehera, langile ohi batek urratsez urrats azaldua


2013ko otsailaren 21an - 00:00
Azken eguneraketa: 2015-02-26 13:37:33
Lur Berri berriz ere kooperatiba izatea eskatzen duen pankarta (Argazkia: Elsa Fayner, Rue89)

Bacho 1969an sartu zen Lur Berrin, guztira 60 langile zirenean. Orduan, “nekazarien mesedetan lan egiten zuen kooperatiba” zen bere ustez. Baserrietan denbora gehiago igarotzen zuten, aholku teknikoak ematen, eta langile ohiak dio haien arteko giroa gaurkoa baino "hobea" zela.

1977an gauzak okertzen hasi zirela gogoratzen du. Haragia mozteko labana gehiago eskatzeko greba egin zuten langileek. 300 nekazariren laguntzarekin lantegiaren korridoreak oztopatzea lortu zuten. Hala ere, langile bat kaleratu zuten, protesta besteak baino gehiago luzatu zuelako. Bachok azaltzen duenez, lankideei ez zitzaien erabakia gustatu.

Hiru urte beranduago aldaketak izan ziren enpresaren kudeaketa taldean eta Barthélémy Aguerre Lur Berriko zuzendariorde izendatu zuten. Artoa ereiten duen Pioneer multinazionalarekin elkartu zen Behe Nafarroako kooperatiba eta markaren 3.000 hektarea landu zituen Europa osora saldu ahal izateko. Haragia xehatzen duen Arcadie Sud-Ouest enpresaren akziodun ere egin ziren, eta gaur egun saltzen duten haragiaren %60a Alemania eta Poloniatik dator.

Azken urtotan, "bertako nekazariak pixkanaka ahaztu" dituztela salatzen du Bachok, ekoizpena hobetzeko hainbat itun sinatzean. Ondorioz, produktuen kalitatea jaitsi dela eta lan hainbat praktika salatu dituzte hainbat elkartek. Adibidez, 2006an haragi ustela aurkitu zuten Choleteko lantegian.

Amaitzeko, Bachok hala dio: “Teorian nekazariek maneiatzen dute Lur Berri. Hala ere, kooperatibaren hedapenak desjabetu egin ditu. Hiltegiak ixtea eta enpresa berriak eskuratzea ez da bidea, ekoizleen eta kontsumitzaileen artean lotura bilatu behar da egindakoa konpontzeko”.


Kanal honetatik interesatuko zaizu: Elikadura burujabetza
1.300 urtez, elkarrekin lurra landu eta bizi

Gaubea haranean, Tobillas herriaren alboan, Serna deitzen dioten nekazaritzarako lursail bat dago. Baina ez da baratze soil bat: historiak eta arkeologiak diote 1.300 urteko bizia duela eremu horrek. Herritarren langintza kolektibo baten emaitza izateaz gain, parada ematen du... [+]


2024-03-03 | Garazi Zabaleta
Azokoop
Pirinioetako Artzibarren lan eta bizi: hurbileko kontsumorako denda eta proiektua

Artzibarko Urdirotz herrian, Nafarroako Pirinioetan, proiektu berri batek zabaldu ditu ateak otsailaren 24an. "Azoka-Denda" deitu diote Txabi Bados Ruizek eta Rita Perandrés Martínezek haien etxe azpian ireki duten dendatxoari. Azokoop mikrokooperatibaren... [+]


Bultzatu den elikadura politikaren ondorioak:
Nekazariak kaleetan eta gurasoak haurrekin plazetan protestan

Nekazariak protestan ari dira, baina eredu agroindustrialak hartu du lidergoa. "Itun Berdea" ere, Europar Batasunaren hurrengo hamarkadako estrategia nagusia zena, pikutara bota dezakete, begirik kliskatu gabe. Bitartean, euskal eskoletan zorriak eta harrak... [+]


2024-02-29 | Estitxu Eizagirre
Nola elikatu hiriak?
Hiriko parkeetan zergatik ez fruta arbolak eta barazkiak landu zuzenean biztanleentzat?

Hiriak nola elikatu? Horra Egonarria saioan Eli Pagolak Audrey Hoc laborariari luzatu dion galdera. Hoc-ek, bere lagun Aimar Rodriguezekin batera, fruitu arbolak ekoizten ditu, Etxalarren baso jangarria dauka eta Biriatuko udalarekin elikadura burujabetzaren estrategia martxan... [+]


2024-02-26 | Garazi Zabaleta
Agharas elkartea
Kulturarteko ortua, Barakaldoko Gurutzeta auzoan

Amazigh gazteek sortutako elkartea da Agharas, eta urteak daramatza kulturartekotasuna lantzen Barakaldo inguruan. Duela lau bat urtetik, kalean bizi diren gazteei astean hirutan afariak ematen dizkiete, eta harrera pisu bat ere badute martxan, aldi baterako erabiltzeko... [+]


Eguneraketa berriak daude