Israeli boikota egingo dio Aljeriak Londresko Joko Olinpikoetan
Aljeriarrak ez dira aurtengo Londresko Olinpiadetan israeldarren aurka lehiatuko. Aljeriako kirolari guztiek israeldarrei boikota egingo diete herrialde horrek Palestina okupatzen duelako eta uste dutelako Israel ez dela legezko herrialdea. Erabaki horren ondorioz, Nazioarteko Olinpiar Batzordeak zigortu egingo ditu baina aljeriarrek neurrei muzin egingo diotela erabaki dute.
Duela zortzi urte ere antzerako jarrera izan zuten. Omar Merche aljeriar judokak urrezko domina galdu zuen 2004ko Atenasko olinpiadetan israeldarraren aurka parte ez hartzeagatik.
Iazko ekainean, Britainia Handiko bakearen eta giza eskubideen aldeko ekintzaileak Galesko estadioan elkartu ziren Israelen kirol politikaren aurka protesta egiteko. Arraza bereizketa eta kirolari palestinarrak preso eduki izana salatu zuten bitartean bere atletak gainerako lehiaketa internazionaletan dominak irabaztera joaten direlako. Hispan TV telebista kate irandarrak adierazitako informazioa da.
Publizitatea
 |
|
||||
2369 zenbakia. Azkena || Hemeroteka
|
Babeslea
Ale berean...
Kazetaritza independentea eta profesionala egiten dugu, euskaraz eta euskaldunontzat.