Lizarbe, Nafarroako Ogasunari buruzko ikerketa batzordeko presidente

  • Juan Jose Lizarbe izendatu dute 'Goicoechea auzia' ikertzeko batzordeko presidente. PSNk soilik aurkeztu du hautagaia eta alderdi guztien babesa jaso du, UPNrena salbu.


2014ko otsailaren 18an - 00:00
Azken eguneraketa: 2015-02-26 13:37:33
UPN ez beste alderdi guztiek babestu dute Lizarberen izendapena.

Lan taldeak hilaren 28an aurkeztuko ditu ondorioak. Parte hartuko duten ordezkariak dira: Carlos García Adanero eta Sergio Sayas (UPN), Pedro Rascon eta Juan Jose Lizarbe (PSN), Maiorga Ramirez eta Bikendi Barea (Bildu), Patxi Zabaleta eta Txentxo Jimenez (Aralar-NaBai), Ana Beltran eta Enrique Marin (PPN), Jose Miguel Nuin eta Txema Mauleon (Izquierda-Ezkerra) eta Manu Ayerdi (Geroa Bai).

Barcina: "Ez da gauza bera Bilduk udaletan babestea, edo Parlamentuan egitea"

Lizarbe buru duen batzordeak "azkeneraino" ikertzea nahi duela esan du Yolanda Barcina Nafarroako presidenteak, SER irratiari eskainitako elkarizketan.

Ogasun sailburu Lourdes Goicoechea ustez bezero ohi baten mesedetan aritu izanari dagokionez, Barcinak esan du "testuingurutik aterea" dagoela: "Kontu humanitarioa zen".

Aurrez egin bezala, PSNri "marra gorria" gainditu izana leporatu dio berriro, Bilduren babesa beharko lukeen zentsura mozioari erreferentzia eginez. "Ikerketa batzordea mozioa aurrera eramateko aitzakia besterik ez da".

Bestalde, adierazi du Bilduk ez dituela bere botoak sekula doan emango: "Nola azalduko die bere boto emaileei botoa hutsaren truke ematen dutela; Gobernuan ez dutela eraginik izango".

Gaineratu du Tafalla eta Erriberriko udaletan UPNk ez duela deus adostu Bildurekin. "UPNk oso argi du bide-orria; ez dugu itunik egin, ezta egingo ere".


Kanal honetatik interesatuko zaizu: Goicoechea auzia
Roberto Jimenez badoa, PSN-n Madrilek agintzen duela adieraziz

Roberto Jimenez badoa PSNko buruzagitzatik eta zergatik azaldu nahi du. EFE agentziari egindako adierazpenetan, Yolanda Barcinaren aurkako otsaileko zentsura mozio ustela jo du kausa nagusitzat.


Politikari, dimititu demontre!

Politikari guztien artean bada oso sustraitua dagoen jarrera bera: ez dimititzea.


2014-03-18 | Iera Aranburu
Barcinak azalpenak emango ditu Parlamentuan ikerketa batzordearen ondorioez

Nafarroako Gobernuko presidentea Goicoechea auziko ikerketa batzordea ondorioez ariko da Legebiltzarrean. Batzordeak dimititzeko eta hauteskundeak aurreratzeko eskatu zion.


Zein litzateke bide juridikoa EAEk eta Nafarroak bat egiteko?

PPk eta PSOEk Nafarroako egoeraz duten kezkari buruzko artikulua argitaratu du Manuel Sanchezek ElDiario.es-en. Une honetako egoeraz gain, Foru Erkidegoa eta Euskal Autonomia Erkidegoa elkartzeko bide juridikoaz hitz egin du hainbat politikarirekin.


Eguneraketa berriak daude