Erantzunak

• Iñaki+g - 2009-08-14 11:19:34: Berriako albistea ere ez zait oso argia iruditzen:"Eusko Jaurlaritzako Hezkuntza Sailak argitu du abiatze bikoitza izango dutela gailuek; alegia, bi sistema operatiborekin aritzeko gai izango dira." Zer esan nahi du esaldi horrek? gailuek linux eta windows instalatuta ekarriko dute, ala gailua linux erabiltzeko gai da (noski gai dela, falta zena bakarrik, linux ezin instalatzea..)? Ze linux instalatuta ez badator, ikastetxe bakoitzak instalatu beharko du linux sistema ordenagailu guztietan? edo Eusko Jaurlaritzari eskatu beharko dio? Hori bai, Microsoft-i dirua, hemen aipatu bezala, eta gero aurrekontuak murriztu behar direla diote....
• gorkaazk - 2009-08-15 10:13:42: Praktikan, eta orain arte hezkuntzan gauzak nola ibili diren barnetik ikusita, honek guztia esan nahi du ordenagailu berri horiek Windowspean bakarrik ibiliko direla. Ikastetxeren batean, agian, bertako informatika arduradunak sekulako lana eginda Linuxerako migrazioa egingo du, sarea berrantolatu, gailu guztiak banan-banan eraldatu... Aukera egon badago, baina praktikan, oraingoz, bai hezkuntzan baita EAEko administrazio osoan, Windowsen monopolioa daukagu. Batzuetan monopolio hori muturreraino eraman izan da, esaterako Osakidetzako zerbitzuetara iristeko iExplorer, (Microsoften nabigatzailea), ezinbestekoa izan zen garai hartan bezala.