Lapurtarren Biltzarra jai giroan egingo dute igandean Uztaritzen
Lapurtarren Biltzarrak 34. edizioa ospatuko du igandean (hilak 30) Uztaritzeko karriketan. Betiko formula eta helburuak dituztelarik, lapurtarren aldarrikapenak eta kezkak karriketan bistaratuko dira, beti ere jai giroan.
Goizetik gauerako ekitaldiak izango dira kaleetan. Goizean bertsoak entzun eta karroak ikusteko aukera izango da. Oraingoz, sei karrok eman dute izena eta gehiagok izena emango duten esperantza dute antolatzaileek. Baionako gazte asanblada, Uztaritzeko eta Donibane Ziburuko gaztetxeak, Itsasuko eta Sarako gaztetxeak eta Gurekin elkarteak atondu dituzte karroak. Ibilbide horretan ez da musika faltako, herriko txaranga, gaiteroak, dantzariak, Kanboko ziganteak eta trikitilariak arituko dira. Bazkariaren ondoren, Xibaren eskutik kirol txapelketak egingo dituzte. Arratsaldetik aurrera Kilauea laukotearen eta Buuzburen rocka entzuteko parada izango da.
Kazetaritza independentea eta profesionala egiten dugu, euskaraz eta euskaldunontzat.