Lampedusa: Libiako errefuxiatuentzat, militarrak

  • Italiak militarrak bidali ditu Siziliako kanalera Libiatik ihesi doazen pertsonen etorrera kontrolatzeko. Enrico Letta lehen ministroak adierazi du erabaki horrekin saihestu nahi duela “Mediterraneoa heriotzaren itsaso” bihurtzea.


2013ko urriaren 14an - 00:00
Azken eguneraketa: 2015-02-26 13:37:33
Lampedusa.

Neurriaren berri ematearekin batera, lerro artean Europar Batasuna kritikatu du Lettak. Frontex, Europako migrazio agentziak egoitza Varsovian duela eta mota bateko migrazioak bakarrik ulertzen dituela adierazi du; eta migrazio mota hori ez dela Mediterraneoan heriotzak eragiten dituena.

“Beraz, Frontexen egoitza bat behar da Mediterraneoan. Baina ezin dugu itxaron Europak erabakiak hartu eta gero praktikan jarri arte. Berehala konpondu behar den kontua da eta guk gure partea egingo dugu”, izan dira Lettaren hitzak.

Giorgio Napolitano errepublikako presidenteak Giusi Nicolini Lampedusako alkateari adierazi dio Italiak ez duela irla bakarrik utziko. 400 hilotz daude dagoeneko, baina, bizirik atera direnei babesa eman beharra daukate, eta munduko puntu ugaritatik senitartekoen identifikazio lanak egitera iristen jarraitzen dute.

Bitartean Lampedusan herritarrak eszeptiko azaldu dira Lettak aipatu neurriarekin. “Arazoa pixka bat interesatuko balitzaie, dagoeneko etorriko zen Gobernuko norbait, galdetu edo gutxienez entzutera”, esan dio arrantzale batek El Paisi. Horrekin batera, auzitan jarri nahi izan dute Bossi-Fini deituriko legea; paperik gabeko immigranteak gaizkiletzat jotzen dituena.


Kanal honetatik interesatuko zaizu: Errefuxiatu krisi globala
2024-02-29 | Euskal Irratiak
Otsailean 600 migratzaile lagundu ditu Irungo Harrera Sareak

Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]


Egunean hemezortzi migratzaile hil ziren bataz beste iaz Espainiako Estatura iristeko ahaleginetan

Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.


2023-09-29 | ARGIA
Frantziako Gobernuak Bidasoako muga ixtea ez dela zilegi berretsi du Europako Auzitegiak

Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]


Hil gaitzazue

2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]


2023-08-21 | Hiruka .eus
Pertsona guztien erroldatzea bermatuko duen protokoloa eskatu du Marea Horiak

Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]


Eguneraketa berriak daude