Laguntza eskatu dute Nafarroa Oinezeko antolatzaileek
Laguntza eskatu dute Zizur Txikiko San Fermin ikastolako kideek, beraien helburuak ez baitira bete eguraldi txarraren ondorioz. Hainbat kontu korronte ireki dituzte. Nafarroa Oinezen webgunean dago informazio gehiago.
Aurtengoa euriak bustitako edizioa izan da. Horregatik espero zena baino jende gutxiago hurbildu da Zizur Txikira. Pilar Vicente zuzendariak esan duenez, "lan handia egin dugu azken urtean, baina eguraldiak gure asmoak zapuztu ditu". Hala ere, aurrera egingo dutela nabarmendu du.
DBHko ikasleen eraikina handitzeko helburua ez da gauzatuko oraingoz. Erosi duten material asko ez da saldu eta gauza batzuk ezingo dituzte itzuli, beraz oraindik ez dakite gastuak egingo dituzten edota lehen bezala geratuko diren.
Antolatzaileek eskerrak eman nahi izan dizkie bertaratu zirenei eta lanean aritu ziren guztiei.
Publizitatea
 |
|
||||
2369 zenbakia. Azkena || Hemeroteka
|
Babeslea
Ale berean...
Kazetaritza independentea eta profesionala egiten dugu, euskaraz eta euskaldunontzat.