La Navaleko enpresa batzordeak itxialdia egin du lan-karga eskatzeko

  • La Navaleko enpresa batzordeak asteartean itxialdia egin zuen Sestaoko ontziolaren instalazioan. Langileek ere bi orduz lan egiteari utzi zioten itxialdiarekin bat eginez.


2014ko martxoaren 05an - 00:00
Azken eguneraketa: 2015-02-26 13:37:33
La Naval Ontziolako langileriak lan karga eskatzen du, martxoan amaitzen baitute agendan duten azken ontzia. (Argazkia: J.A.)

Nahiz eta enpresako zuzendaritzak ontzi berri bat eraikitzeko aurrekontratua dagoela komunikatu duen, mobilizazioekin jarraitzea erabaki du batzordeak.

Jose Pedro Gonzalez batzordeko presidenteak kontratua sinatu arte mobilizazioekin jarraituko dutela adierazi du. “Ez da lehenengo aldia izango aurrekontratua sinatu ondoren firmatutakoa pikutara badoa”.

Ostegunean ontziolako langileek Eusko Legebiltzarraren aurrean elkarretaratzea egingo dute, Eusko Jaurlaritzak, instituzioek eta alderdi politikoek Sestaoko ontziolaren etorkizunaren inguruan apustu egin dezatela eskatzeko.

Duela astebete Sestaoko ontziolatik Santurtziraino martxa egin zuten Ezkerraldeko bizilagunek La Navaleko langileriaren alde.


Kanal honetatik interesatuko zaizu: Ontzigintza
2021-03-10 | ARGIA
La Navalen likidazioa beste urrats bat da Ezkerraldeko desindustrializazioan, ELAren ustez

ELAk salatu du La Navalek jasan duen desegite eta likidazioa, eta berentzat, amaiera ez da ezustekoa. "Gasteizko Gobernuaren industria-politika ez da existitzen, eta Ezkerraldea desindustrializatzen ari da", adierazi dute.


Euskaldunaren kolapsoa

Abenduaren 1ean, duela 35 urte, Euskaldunako langileen emazteek 24 orduko itxialdia egin zuten. Itzaleko borroka horren lekuko da Nosotras las mujeres de Euskalduna dokumentala. Euskaldunako beharginek egunak zeramatzaten poliziari ahal zuten guztiarekin aurre egiten... [+]


2019-03-05 | ARGIA
La Navaleko 173 langileak kaleratu ditu epailearen ebazpenak

Sestaoko (Bizkaia) ontziolako enpresa zuzendaritzak jakinarazi duenez epaitegiak igorri du ebazpena, zeinaren arabera langileak La Navaleko behargin izateari utzi dioten otsailaren 28az geroztik.


Arcelorrek zazpi eguneko lan-erregulazio plana iragarri du 2019rako

Espainiako Estatuko lau lantegitan eragingo du; tartean, Etxebarrin eta Lesakan. Datorren urtarrilean, otsailean eta martxoan izango da.


"Prestige"-ren hondamendiak 1.500 milioiko kalte ordainak izango ditu

Inoizko hondamendi ekologiko handiena eragin zuen gertakariaren auzia erabat amaitu dela adierazi du Gorenak. Espero baino hiru aldiz gehiago da kalte ordainen zenbatekoa.


Eguneraketa berriak daude