Asteazken gauean izandako eguraldi txarraren ondorioz, La Flamenka gunea itxi dute Donostiako Piratek. Euriteak eraginda segurtasun protokoloa aktibatu eta suhiltzaile eta ertzainak etortzerako, kaia hustu zuten. Kalteen balorazioa egin ostean, konponketa lanari ekin diote auzolanean.
Une zailak izan zirela adierazi dute piratek, “urte osoko lana eta ilusioa begien aurrean zapuztear egon zelako”. Bai azpiegituren aldetik bai ekonomikoki “kolpea” izan arren, garrantzitsuena inork minik hartu ez izana dela azpimarratu dute.
Hala ere, aurtengo Aste Nagusiko egitaraua aurrera ateratzeko asmoa dutela berretsi dute. Horretarako, “lehenbailehen normaltasunera itzultzeko”, gunea konpontzeko auzolanerako deia egin dute piratek. Bestetik, gauean laguntza ematera hurbildu diren herritarrei eskerrak eman dizkiete.
Ekaitza La Flamenkara nola sartu zen jaso dute hurrengo bideoan :
Aurtengo Aste Nagusi Pirata abuztuaren 12tik 20ra egingo da, eta jai herrikoi eta parte-hartzaileak aldarrikatuko ditu. Abordaia 14an egingo dute.
Donostiako Udalak eta Donostiako Piratak mugimenduak sare sozialen bidez jakinarazi zuten asteazken gaueko hainbat kontzertu eta su artifizialak bertan behera geratuko zirela. Haize-bolada indartsuengatik hartu zuten erabakia, herritarren segurtasuna bermatzeko. Zarauzko Udalak... [+]
Bi urtez abordatze sinbolikoa egin ondoren, Abordatzea egin dute berriro ere Donostiako Piratek. Mugimenduak 20 urte bete ditu aurten eta hemeretzi joan dira lehen Abordatzetik. 2003ko abuztuaren 11n lehen aldiz itsasoratu eta espazio publikoaren erabilera komunitario eta librea... [+]
Bi urteren ostean kontzertu egitarau indartsua prestatu dute Donostiako Piratek, Flamenka gunean. Erreferentziako gune bihurtu da musikazale eta festazaleentzat, eta, aurten ere, aukera zabala izango da, gustu guztientzako estiloekin, euskaraz eta parekidetasuna bermatzen... [+]
2003an abiatu zuten Piraten mugimendua Donostian, Aste Nagusiaren eredua ezbaian jarri eta jai herrikoiak aldarrikatzeko helburuz. Bi hamarkada geroago, berriz nabarmendu dute "jaia eraldaketa sozialerako tresnatzat" dutela, eta aurtengo ospakizunaren leloa ere horri... [+]