CAN

Kontuz: "157 artelan desagertu dira CANen ondaretik, non daude?"

  • CANen ondare historikoa biltzen duen zerrendatik 157 artelan desagertu direla salatu du Kontuz plataformak Iruñean eman duen prentsaurrekoan. Caja Navarra fundazioak orain gutxi argitaratu du bere ondarearen zerrenda, eta Kontuzek dio esku artean duen 2011ko zerrendatik lanak falta direla. Nork dauzkan eta non dauden galdetu dute.


2014ko apirilaren 15an - 00:00
Azken eguneraketa: 2015-02-26 13:37:33

Patxi Zamorak prentsaurrekoan azaldu duenez, aipatu 157 lan horietatik 75ek ez zuten erosketa balorerik, artistek emanak direlako edo erosketa fakturarik ez dutelako aurkitu. Beste 82ak CANek erosi zituen 95.482 euroren truk.

Kontuzek inbentario bat eskatu du, non artelanen informazioa, balorea, argazki bat eta kokalekua argi utziko luketen arduradunek. Artista interesatuek beren lanak ikusteko aukera izatea nahi dute.

Eskandalu berri baten aurrean ote dauden galdetu dute, baita esan ere zurrumurruak iritsi zaizkiela lan batzuk arduradun politiko batzuen etxeetan egon litezkeela.

Ikus #EscandaloCAN traolarekin Twitterren bidaltzen ari diren mezuak.

Ikus Ahotsa.info-k egin duen bideoa, gaztelaniaz.


Kanal honetatik interesatuko zaizu: CAN
Nafarroako Kutxaren auzia behin betiko artxibatu du Espainiako Auzitegi Nazionalak

Ebatzi gabe geratzen zen azken zirrikitu judiziala da artxibatu duena. Ikerketak iraun dituen sei urteren ondoren, epaileak, kasua istea erabaki du irregulartasunik ez dagoelakoan, Diario de Navarra-n jaso dutenaren arabera.


CANeko ikerketa batzordearen ondorioak Fiskaltzara igorri ditu parlamentuak

Nafarroako Kutxaren desagertzean "orain arte jakin gabeko datuak" eskuratu direlako eta adierazgarriak izan daitezkeelako helarazi dituzte ondorioak epaitegietara.


Nafarroako Kutxaren desagertzea Goñiren eta UPNren kudeaketaren ondorioz izan da

Diario de Noticias egunkariak aurreratu ditu Nafarroako Kutxa ikertzen duen batzordeko ondorioak. Alderdiek diote CANek aurrera segitu ahal izanen zukeela bere bidea bakardadean eta ondarearen hondatzea txikiagoa litzatekeela.


2019-01-23 | ARGIA
Miguel Sanzen jarrera CANen ikerketa batzordean: dena ukatu eta abertzaleak seinalatu

Miguel Sanz Nafarroako presidente ohiak Nafarroako Parlamentuan CAN auzia ikertzen ari den batzordean hitz egin du asteazken honetan. Nafarroako Kutxan ustelkeria kasurik izan zenik ukatu du.


2018-05-22 | ARGIA
Kontuz elkarteak diru bilketa hasi du Zamoraren lau auziei aurre egiteko

Patxi Zamora Kontuz elkarteko eleduna lanetik bota zuten Guardia Zibilak hegazkinean sartzeko baimena kendu eta gero. Lau auzi ditu abian eta 20.000 euro beharko dituztela kalkulatu du elkarteak.


Eguneraketa berriak daude