Informatikari Euskaldunen Bilkuran komunikabide idatzien etorkizunari buruzko mahai-ingurua izan zen pasa den ostegunean. Hizlari desberdinekin baina gai berari buruzko jardunaldiak antolatu dituzte datorren maiatzaren 22an Martin Ugalde Kultur Parkean. Hedabideak etorkizunean, biharko prentsa eta Internet jardunaldia EKTk antolatu du. Hizlariak honako hauek izango dira: Vicent Partal Vilaweb atariko arduraduna; Juan Varela Periodistas 21 webgunearen kudeatzailea; eta Aitor Zuberogoitia, Jon Muñoa eta Jose Ignacio Armentia, Mondragon Unibertsitateko, Deustuko Unibertsitateko eta EHUko irakasleak hurrenez-hurren. Izen ematea doan da, baina maiatzak 20a baino lehen egin behar da komunika@berria.info helbidean edo 943 304 030 telefonoan.