Urriaren 4an ospatuko da Kilometroak, Hirekin mundura lelopean. Aurten Donostiako Zurriola ikastolak antolatu du jaialdia, eta ekitaldiz beteriko sei guneko zirkuitua prestatu dute. Horien artean, Mikel Laboari Txoriak txori abesti ezaguna kantatuz eskainiko dioten omenaldia. Bildutako dirua Zurriola Ikastolaren eta Barandiaran Lizeoaren hezkuntza eskaintza zabaltzeko erabiliko da.