Karlos Linazasoro.

Karlos Linazasorok (Tolosa, 1962) irabazi du Gipuzkoako Foru Aldundiak antolatutako Xabier Lete Euskarazko Nazioarteko I. Poesia Saria, Ezer gehiago behar gabe poema-bildumagatik.

Epaimahaiak "poema-liburu eder eta handia" dela argudiatu du, "ideietan, metaforetan eta adierazteko moduetan aurkikuntza poetiko asko dituena". Era berean, "sentimenduak eta natura elkartzeko dotoretasuna eta amodioari zein galdutako paradisuei kantatzerakoan dagoen autoironia" nabarmendu ditu. Linazasororen poemategia aurten kaleratuko da Pamiela argitaletxearen bidez.