Kalamu elkarteak erregularizatuko ditu Eusko Jaurlaritzak
Kalamu elkarteen definizioa eta ezaugarriak jasotzen dituen Menpekotasun Legearen aldaketan lanean ari da Eusko Jaurlaritza. Jon Darpon Osasun sailburuak aurreproiektua aurkeztu du eta urtea bukatu baino lehen aurrera eramango da.
Lege aurreproiektuak jasotzen duenez, kontsumo propioa bermatzea eta adingabekoen parte-hartzea debekatzea exijituko zaie kalamu elkarteei.
Zigarro elektronikoak eta alkoholismoa
Zigarro elektronikoak osasunerako dituen ustezko onurei buruzko mezuak zabaltzea ere debekatuko da legearen erreformarekin. Tabakoa bezala, galarazi egingo dira ospitale, eskola eta tabernetan.
Alkoholari dagokionez, salmenta mugatuko da; kiroldegi eta unibertsitateetan ezingo da graduazio handiko alkohola saldu. Alkoholarekin erlazionatutako zigorrak arinak izango dira, Darponek azaldu duenez, eta udalen bidez tramitatuko dira.
Bestelako menpekotasunak
Lege aurreproiektuan beste menpekotasun mota batzuk ere jasotzen dira, hala nola jokuarekikoa, teknologia berriekikoa edota sare sozialekikoa.
Menpekotasun Legea behin bakarrik aldatu da aurretik, 1998an, garai horretako kontsumo mota berriei egokitzeko.
Mónica García ministroak ziurtatu du araudi zehatzak egongo direla lurrungailuen erabilera kontrolatzeko, eta zehatz-mehatz aztertuko direla hainbat egoera, “kerik gabeko espazioak zabaltzeko”.
Ezingo da erre hondartza, parke, baso, espazio publiko eta eskola inguruetan. 2024tik aurrera, tabako paketearen prezioa progresiboki igoko da 11 eurotik 13 eurora.
Jostailu edo panpina itxurako eta goxoki zaporeko bapeatzaile edo zigarro elektronikoak ugaritu dira. Ohartarazi dute tabako industriak gaztetxoenak dituela jomuga, eta neurriak hartzen hasiak dira hainbat herrialdetan. Erabilera bakarreko bapeatzaileak debekatzeko asmoa agertu... [+]
Eusko Jaurlaritzaren Osasun Sailak sortu du Euskadiko Kerik gabeko Guneen Sarea. Erretzen duten herritarren kopuruak behera egitea nahi dute.
AEHN Nafarroako Ostalaritza eta Turismorako Elkarteak eta Anapeh Nafarroako Ostalaritza Enpresa Txikien Elkarteak jakinarazi dute Nafarroako Auzitegi Nagusian helegitea jarriko dutela, Chiviteren exekutiboak harturiko neurriak "funtsik gabeak" direla iritzita.