Izen frankistei "adio" Donostiako kaleetan
Izen frankistak dituzten kaleak berrizendatuko dituzte Donostian. Horrez gain, izenik gabeko kaleak ere izendatuko dituzte. Lehenik eta behin azterketa egingo dute izena zein kaleri falta zaien, izen fankistak zeintzuk dituzten eta izen bera zeintzuk duten jakiteko. Aranzadi elkarteak egingo du azterketa hori.
Udalak esan du toponimoak erabiliko dituztela izen frankistak ordezkatzeko, baita kale eta plaza berriak izendatzeko ere. Izendapen berriak lau hilabete barru jakinaraziko dituzte.
Izenik gabeko kale eta plazei izena ematea eta errepikatzen diren plazen izenak aldatzea ere adostu dute. Udaleko Hirigintza departamentuak egingo du kasu honetan azterketa. Kaleei izena emateko proposamenak bidaltzeko aukera emango du Udalak.
Kazetaritza independentea eta profesionala egiten dugu, euskaraz eta euskaldunontzat.