Istanbulgo Gezi parkea ireki dute astelehenen goizean, hiru astez segurtasun indarren kontrolpean egon eta gero. Ordu batzuk beranduago, berriro ixtea erabaki du Gobernuak, bertaratutako manifestariak kanporatzearekin batera. Ur kanoiak, gomazko balak eta negar-gasak erabili ditu poliziak.
Turkiako Gobernuaren kontrako mugimenduen erdigune bihurtu den parkea larunbatean irekitzekoa zen, baina Taksim Elkartasuna plataformak bertan batzeko deialdia egin zuela ikusita, atzeratu egin zuen Istanbulgo Gobernadoreak.
Ekaina hasieran, Gezi parkea okupatu zuten milaka pertsonek, Gobernuak bertan eraiki nahi duen merkatalgunearen aurka protesta egiteko. Hamabost egunez iraun zuten bertan, indarkeria erabiliz kanporatu zituzten arte. Gutxienez lau protestari hil zituen poliziak. Istiluak Turkia osoan zabaldu ziren.
El Pais-ek elkarrizketatu duen Umat Kara gaztearen arabera, manifestariek ez dute berriro kanpatuko. “Gezin irabazi dugu jada, baina Gobernuko erregimen faxistaren aurkako protestan jarraituko dugu”.
Pasa den astean, Erdogan Lehen Ministroaren planak oztopatzen dituen bi erabaki judizial hartu zituzten Istanbuglo tribunalek: batek Taksim plaza eta Gezi parkearen peatonalizazioa bertan behera utzi du; besteak merkatalgunea eraikitzeko lanak geldiarazi ditu, oraindik egiteko dauden epaiak amaitu arte.
Botoen %52,1ekin irabazi du Erdoganek, eta aurkariak, Kemal Kiliçdarogluk %49,7eskuratu du. Emaitzak ezagutu ondoren, nazioarteko buruzagiek Erdogan zoriondu dute.
Siriako Ipar eta Ekialdeko Autoadministrazioko osasun esparruko ardurak ditu Ciwan Mustafak eta herri kurduak lideratzen duen proiektu politikoaren osasun ministrotzat jo daiteke. Mediku-Ekintza Koordinakundea gobernuz kanpoko erakundearen laguntzarekin Eusko Legebiltzarrean... [+]
Epaiketaren lehen eguna amaituta eta bederatzi kazetari kurduak askatu dituzte. Urte erdia pasatxo preso eduki dituzte "terrorismoa" egotzita. Ankarako espetxean zeuzkaten eta orotara hamaika kazetariri erakunde terroristako kide izatea egozten diete.
Bozken %99 zenbatuta, egungo presidente Erdogan nagusitu da lehen itzulian, botoen %49,4 lortuta. Gertu geratu da Kemal Kiliçdarogluk oposizioko burua, %45arekin. Inork ez duenez gehiengo absolutua lortu, bigarren itzulia egin beharko dute maiatzaren 28an.
Parlamentuan ordezkaritzarik lortuko ez duten beldur, ezkerreko alderdi gehienek Kemal Kiliçdaroglu zentro-ezkertiarraren aldeko botoa eskatzea erabaki dute, egungo presidentearen aurkari nagusia dena.