Jerusalem ekialdean Hurva sinagoga irekitzearen aurkako protestetan istilu larriak izan dira goizean. "Haserrearen eguna" izendatu zuen Hamasek gaurkoa eta Israelgo poliziak kontrolak areagotu ditu. Istilu larriak izan dira harrika eta gurpilei su emanez ari ziren palestinar eta granada negar eragileak jaurtikiz ari ziren polizien artean. Palestinarren eta Israelgo Gobernuaren arteko elkarrizketak bultzatzera bidaiatzekoa zen George Mitchel Ekialde Hurbileko bitartekariaren bisita atzeratzea erabaki dute AEBek. Honekin, Israelgo Estatuarekin hiru hamarkadatan izan duten krisirik larriena areagotzea erabaki du Obamak.
