'Ireki bihotza mintzalagunentzako!' kanpaina abian
Topagunearen Mintzapraktika programak euskaraz hitz egiteko ohitura duten pertsonak hainbesteko ohiturarik ez dutenekin elkartzean datza. Gaur egun 5.000 lagun ari dira programa hauetan parte hartzen, 65 herri eta eskualdetan. Mintzapraktika programak aisialdiko jarduerak proposatzen ditu: lagun giroan paseatu, kirola egin, mendira irten, kafetxo bat edo tragotxo bat hartu...
Bideoan Mihiluze saioko Kike Amonarrizek eta Ilaski Serranok luzatzen dute, mariatxiek lagunduta, mintzalagun egiteko gonbidapena.
Mintzapraktika taldetxo bakoitza hiru, lau edo bost lagunek osatzen dute eta taldeak sortzerakoan kontuan izaten dira kideen zaletasunak, gustuak, adina, bizitokia eta ordutegia. Taldetxo bakoitza gutxienez astean behin biltzen da eta hitzordu horretaz gain, noizbehinka ekintza osagarrietan parte hartzeko aukera izaten da: ikastaroak, irteerak, bazkari eta afariak, ikuskizunak...
Topaguneko zuzendari Jasone Mendizabalek eta egitasmo hauetako arduradunak, Arrate Illarok, atzoko aurkezpenean azaldu zutenez, "euskaraz bizitzeko ahalegina egitea erabaki dutenek euskaldunon komunitatean bidelagun direnekiko esker ona dute eta euskaraz bizi garenok, gurekin batera bizitzeko hautua egin dutenekiko esker ona".
Publizitatea
 |
|
||||
2369 zenbakia. Azkena || Hemeroteka
|
Babeslea
Ale berean...
Kazetaritza independentea eta profesionala egiten dugu, euskaraz eta euskaldunontzat.