Ion Telleria

Ion Telleria Info7 irratiko langilea atzo goizean atxilotu zuen polizia frantsesak eta gaur aske utzi dute Paben epailearen aurretik igaro ostean. Asteartean aztertuko dute bere aurka Madrilgo Entzutegi Nazionalak egindako euroagindu eskaria.

Sortzez Idiazabalgoa (Gipuzkoa) da Telleria eta Info7 irratian lan egin aurretik, GazteSarea proiektuan egin izan du lana eta komunikabideetan sarri agertu izan da gazte independentisten bozeramaile bezala. Gazte Independentistek atxiloketa salatu dute agiri baten bitartez. Bertan Frantziako zein Espainiako estatuen aldetik euskal gazteria independentista kriminalizatzeko kanpainaren beste adibide bat dela adierazi dute.