Intsumisioaren 25.urteurrena ospatzeko, larunbatean Bilbora
1989ko otsailaren 20an Espainiako Estatuan zenbait gazte soldaduskari uko egiten hasi ziren lehenengoz. Intsumisio mugimenduak atzo 25 urte bete zituela gogorarazteko hainbat ekitaldi antolatu dituzte egunotan Bilbon. Bihar emango diote amaiera, Zabalburu plazatik Alde zaharrera joango den kalejira zaratatsuarekin. Gero bazkari herrikoia egongo da.
“Lana eginda eta amaituta dagoela ospatzeko ez, lanean jarraitzeko mila arrazoi daudela gogorarazteko" mobilizatu direla adierazi dute Kakitzat koordinakunde antimilitaristako kideek.
Hitzaldi, musika eta erakusketak otsailaren 19an hasi ziren eta bihar arte egongo dira hurbiltzen direnentzako ikusgai.
Intsumisio migumenduari buruzko informazio gehiago nahi izanez gero entzun Edurne Elizondo kazetariari Info7n egindako elkarrizketa. 2011. urtean“Ez dugu nahi.Intsumisioaren ahotsak Euskal Herrian” liburua argitaratu zuen.
Ekitaldiei buruzko informazio gehiago hemen.
Ezohiko irudia ikusi zen Madrileko Moncloako jauregian martxoaren 18an: estatuko industria militarraren buru nagusiak Pedro Sánchez presidentearekin eta Margarita Robles Defentsa ministroarekin bilduta. Bertan ziren ere Hego Euskal Herriko enpresa militarretako buru... [+]
1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.
Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]
Yurii Sheliazhenko Ukrainako Mugimendu Bakezaleko Idazkari Exekutiboa da, eta abuztuaren 15az geroztik preso dute bere etxean. Asteazkenean egin zuten bere aurkako lehen epaiketa eta intsumisioaren aldeko Europako mugimendua bere askatasunaren aldeko kanpaina egiten ari da.