Interneteko datuen segurtasuna ezbaian jarri duen CIAko langile ohia babes bila
Edward Snowden CIAko langile ohiari babes politikoa emateko aukera aztertzen ari da Ekuadorreko Gobernua, kanpo-ministroaren arabera. AEBetako Segurtasun Agentzia Nazionalak (NSA) eta Britainia Handiak Interneteko enpresa nagusien erabiltzaileen datu pribatuak erabiltzen dituztela frogatzen duten dokumentuak zabaldu zituen Snowdenek ekainaren hasieran.
Hong Kongen izan da estatubatuarra, larunbatean AEBek estradizio-eskaera egin zuten arte. Espioitza eta datu konfidentzialen legez kanpoko erabilera leporatzen dio Snowdeni AEBko Gobernuak. Igande arratsaldean Hong Kongetik Moskurako hegaldia hartu zuen, The Guardianen arabera.
WikiLeaksen babesa du CIAko langile ohiak, erakundeak berak argitaratu duen oharrak azaltzen duenez. “Snowden Ekuadorrera bidean da, bertan babes-politikoa lortzeko asmoz, eta WikiLeakseko aholkulari eta diplomatikoen laguntza du”.
Otsailaren 20an eta 21ean Erresuma Batuko Justizia Auzitegi Gorenak erabakiko du Julian Assangeren estradizioak bide librea duen ala ez. Teorian bederen, hori izango da azken aukera juridikoa kazetari australiarra AEBetara estraditatuko duten ala ez erabakitzeko.
Erresuma Batuko Barne ministro Priti Patelek argi berdea eman dio Julian Assangeren estradizioari. Iragan martxoaren 14an eman zuen estradiziorako baimena herrialdeko Auzitegi Gorenak, baina orain heldu den gobernuaren iritzia falta zen.
Gobernuak erabaki behar du orain Wikileaks-eko sortzaileetako bat den Assange estraditatuko duen edo ez. Erabakiari helegitea jarriko diote bere abokatuek.
Nils Melzer NBEko torturaren inguruko kontalari bereziak Julian Assange kazetariaren kasua ikertu du. Ikerketa horren xehetasunak azaldu zituen lehen aldiz 2020ko otsailean Suitzako Republik hedabide independenteko Daniel Ryser kazetariak egindako elkarrizketa zorrotz eta... [+]
WikiLeakseko sortzaileetakoak espetxean jarraitu beharko du. Hala erabaki du astezkenean Londresen Vanessa Baraitserrek, astelehenean Assange AEBetara ez estraditatzea erabaki zuen epaile berak.