UEUko Informatika sailak eta Miramon Enpresa Digitalak elkarlanean antolatutako Informatikari Euskaldunen VII. Bilkura maiatzaren 7an egingo da Donostiako Teknologi Elkartegiko Eraikin Nagusian. IEB2009: Teknologia berriak, gaur eta bihar izenburupean eta Internet gai hartuta, hitzaldiak eta mahai-ingurua izango dira. "Komunikabide idatzien etorkizuna" izango da mahai-inguruaren gaia eta bertan izango dira ARGIAko Eli Pombo, Berria eta Hitzako Iker Balentziaga eta Gaur8 eta Kazeta.infoko Maite Ubiria.
