Ikasleek murrizketen kontrako greba eguna dute gaur
Hego Euskal Herriko ikasleek bat egin dute Espainiako Gobernuak onartutako murrizketen aurka deitutako greba egunarekin. Ikasle Abertzaleak taldeko kideek azaldu dute "Estatuko gainontzeko nazio zapalduetako ikasle mugimenduekin batera" salatuko dituztela "inposatutako erreformak", eta "Euskal Herriak behar duen hezkuntza" aldarrikatuko dutela.
Euskal Herriko, Herrialde Katalanetako, Galiziako eta Espainiako ikasleak deitu dituzte grebara. Deialdi bateratua egitearen alde honako erakundeak agertu dira: Ikasle Abertzaleak, SEPC Sindicat d'Estudiants dels Països Catalans,Yesca, SAT Sindicato Andaluz de Trabajadores, AGIR, Jaleo, Darréu, Estudiants Independentistas y Revolucionarias d'Aragon, Liga Estudantil Galega eta Regüelta Cantabria.
Ikasle mugimenduetako ordezkariek salatu dute Espainiako Gobernuaren erabakiak "inongo lotsarik gabe" aplikatzen ari direla administrazioetako gobernuen babesarekin, eta Europako Batasunak "inposatutako" neurriekin herritarrak babesik gabe daudela.
- Grebari buruzko Twitter kontua.
- Gaurko deitutako mobilizazio guztiak.
Kazetaritza independentea eta profesionala egiten dugu, euskaraz eta euskaldunontzat.