Euskadin ikasle erdiek baino gehiagok egiten dute selektibitatea euskaraz eta EHUko lehen mailako ikasleen %43k hautatzen dute hizkuntza hori euren ikasketak egiteko, El País egunkariak emandako datuen arabera. Baina joera hori ez da mantentzen hirugarren zikloan. 75 doktorego-programetatik 9 soilik eskaintzen dira zati bat edo guztiz euskaraz. Joan den ikasturtean defendatutako tesien %5,98 soilik aurkeztu zituzten euskaraz. Ludger Mees Euskal Herriko Unibertsitateko Euskara errektoreordearen esanetan, terminologia zehazteko arazoak daude eta zaila da lana aztertuko duen epaimahai elebiduna antolatzea.