Ia 40.000 lagunek utzi dute aurten Hego Euskal Herria
Gehiago izan dira 2012ko lehen bederatzi hilabeteetan Hego Euskal Herria utzi eta atzerrira joan direnak, bertaratu direnak baino. Zehazki, bertako 4.565 lagunek emigratu dute aurten, eta 35.370 atzerritarrek; alegia, guztira 39.035 herritarrek egin dute alde. Hori ondorioztatu daiteke INE Espainiako estatistika erakundeak Estatuko migrazioaz emandako datuetatik.
Datuok erakusten dute 2011n baino jende gehiago joan dela atzerrira; adituen esanetan, aurten nabarmenagoa delako krisiaren eragina Euskal Herrian. Esaterako, iaz bertako 1.676 lagun joan ziren EAEtik, eta aurtengo lehen bederatzi hilabeteetan, bikoitza baino gehiago: 3.665.
Lehen aldiz, Estatuko erkidego guztietan negatiboa izan da joera; alegia, erkidego guztietan handiagoa izan da joan diren lagunen kopurua, bertaratu direnena baino. Guztira, 420.150 lagunek utzi dute Espainiako Estatua aurten, horietatik 365.238 atzerritarrak.
Kazetaritza independentea eta profesionala egiten dugu, euskaraz eta euskaldunontzat.