Hondarribiko Blues Jaialdiaren 4. edizioa ostegunean hasiko da. John Mayall musikari britainiarra eta bere taldea, The Bluesbreakers, izango dira izar nagusienak, Mayallek Hondarribia blues saria jasoko baitu. Bertan arituko diren beste musikari batzuen artean Chicago Blues taldea dago. Ekitaldiak Hondarribiko txoko desberdinetan antolatuko dira.

Zarauzko Jazz Mintegia ere martxan jarriko da bihartik igandera. Bere 10. urtemugan, musikari ezagunek emandako ikastaroak, saio pedagogikoak eta kontzertuak izango dira nagusi, Iñaki Salvador pianistaren zuzendaritzapean. Kontzertuei dagokienez, Sharp hirukotea eta Bilboko The Cherry Boppes izango dira entzungai besteak beste,eta Iñaki Salvadorrek Laboaren musika izeneko emanaldia eskainiko du, Mikel Laboaren omenez.