Eskualdeetako edo eremu urriko hizkuntzen Europako Gutuna: Lorpenak eta desafioak izenburupean hainbat aditu bilduko da datorren apirilaren 20an eta 21ean Bilboko Guggenheim museoan. Hizlarien artean izango dira besteak beste, Alberto Lopez Basaguren, Europako Gutunaren Adituen Batzordeko kidea; Patxi Baztarrika Eusko Jaurlaritzako Hizkuntza Politikarako sailburuordea eta Galiziako eta Kataluniako bere parekideak (Marisol Lopez eta Bernat Joan i Mari); Anjel Lertxundi idazlea; Alexei Kozhemyakov, Eskualdeetako edo Eremu Urriko Hizkuntzen Europako Gutunaren Idazkaritzako burua eta Pirkko Nuolijärvi, Finlandiako Hizkuntzen Institutuko kidea.
