Erantzunak

• Miren - 2010-01-11 13:14:07: Harritu egin nau benetan Azpiazuren iritziak. Barandiaranek eskolarik sortu ez duela dio. Barandiaranek sortu zuen eskola, bai, eta haren ildotik ari dira lanean zazpi probintzietan Etniker taldeak. Euskal Herriko Atlas Etnografikoak 6 tomo ditu daborduko. Horrez gainera, Labayru ikastegian Barandiaranen lanak (eta beste hainbat etnograforenak, asko eta asko europarrak) kontuan hartzen dituen sail bi ditu. Lantalde horietako partaideak jantziak dira bai etnografia kontuetan eta bai hizkuntza ikasketetan ere.
• Iñigo Bidebieta - 2010-01-11 13:30:14: Punttu bi baino ez: egia da, izan, Zuazok lan on asko atera dituela. Eskola sortu duela? Tira, hori baino gehiago, eskoletatik lan asko atera dituela esango nuke nik. Bide batez, jakin nahiko nuke nortzuk diren Zuazoren eskolako horiek, ezen fakultateko igarobidean bertan lagun dituen dialektologoek ez baitute bere bidea jorratzen. Eta bigarren kontutxoa. Hizkuntzalaritza-liburuak irakurri dituzula diozu. Eta liburua "Gipuzkoako Hegoaldeko Euskara" izenburupean argitaratu. Tira, kutsu dialektologikoa hartzen diot nik eremu geografikoa aipatze horri. Badira hamarkada zenbait, bada, dialektologiaren oinarrian konparaketak egon behar zuela zuzen ondorioztatu zenetik. Liburu horren izenburua iruzur hutsa da, material guztia baserri bakarrean jaso delako. Ez dakigu, hortaz, hitz bakoitzaren hedadura zer nolakoan den, ez geografian, ez eta euskararen historian ere.
• Hernest Wundt - 2010-01-11 13:44:24: Izugarria da zelako arinkeriaz solasten garen eskolez, metodoez eta sakontasun gutxirekin aztertutako prozesuez. Ez naiz sartuko Etniker taldeen lan sendo ( Europa mailan erabat onartua gaur egun) edo Atlas Etnografikoaren lan ixil eta nekezaz, zalantzatan jartzeko arloan argudio sendoz jantzitako inor izan beharko du eta. Baina galdetu nahi nioke bilketa guztia etxe bakarrena egiten duen horri (hori bai dala metodologikoki hutsaren hurrengoa) zeintzuk diren euskal etnologia eskolak (caro Barojak, Andre Manterolak edo Gurutzi Arregik, esaterako) kontutan hartu ez dituzten Europar barrikuntzak. Eta espero dut ez ibiltzea ikus-entzunezko antropologiari buruz. Izan ere, eurek sortu dute gaur egun Hego Euskal Herri osoan dagoen ikus-entzunezko etnografia ikerketa departamentu bakarra. Jakin gura nukeen hain gauza larriak esateko gai den pertsonak zein jarraipen egin dien gaur egun kaleratzen dabiltzan etnografian eta hizkuntzalaritzan oinarritutako ikus-entzunezko material pedagogikoei. Bide batez esan dezagun, Europa mailako unibertsitate baten baino gehiagotan dagoeneko interes handia piztu dutenak. Penagarria gizon honen jarrera.