"Herritarren segurtasunerako legea" moldatuko dutela dio Fernandez Diazek


2014ko martxoaren 26an - 00:00
Azken eguneraketa: 2015-02-26 13:37:33
M22-ko istiluetan polizia manifestari bat atxilotzen. (Arg: Marchasdeladignidad)

Manifestazio eskubidea asko murrizten du “Fernandez legea” gisa ere ezagutzen den erreformak. Espainiako Konstituzioarekin bateraezina dela esan du Espainiako Botere Judizialeko Kontseilu Nagusiak eta Kontseilu Fiskalak.

Barne ministerioak txosten judizialaren gomendioak kontuan izanik legeari “ukituak” egingo dizkiola adierazi du. “Duda eragiten duten artikulu guztiak aldatuko ditugu, beren konstituzionaltasuna zalantzan jar ez dadin” adierazi du Jorge Fernandez Barne ministroak. “Beren ekimenez” proposatutako aldaketa berriak egingo dizkiotela ere esan du.

Botere Judizialeko Kontseilu Nagusiak bihar bozkatuko du bere bi ordezkarik osatutako txostena. Dokumentu horrek lege proposamenaren hainbat alderdi txarresten ditu.

Kontseilu Fiskalak berriz, duela hilabete esan zuen "Fernandez legea"-ren hiru puntu gutxienez Konstituzioaren aurkakoak zirela. Horiek ere “errebisatu” egingo dituztela adierazi du Fernandezek.

Lege proiektua aurkeztu eta segituan hasi ziren oposizioko alderdien eta herri mugimenduen protestak. Kritikek diotenez, “herritarren askatasuna urratu eta eskubideak murrizten” ditu Espainiako Gobernuak proposatutako erreformak.

Sortutako polemikaren ostean Espainiako Estatuko Idazkarien eta Idazkariordeen batzordeak “herritarren segurtasunerako legea”-ri aldaketa txiki batzuk egin zizkioten. Esentzia, ordea, osorik mantendu da, eta, besteak beste, kontrol judizialik gabe Gobernuak ezarritako isun gogorrak proposatzen dira zigor gisa, errekurritzen are garestiago direnak.


Kanal honetatik interesatuko zaizu: Mozal legearen mehatxua
Artxibatu egin dute Ahotsa.info-ko kazetari bat gezurrekin salatu zuen udaltzainaren aurkako kereila

2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]


2023-03-15 | Axier Lopez
Espainiako Gobernuak ez du hitza bete: Mozal Legeak indarrean jarraituko du

2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]


Otsaileko lehen osoko bilkuran onartu nahi dute Espainiako Kongresuan 'Mozal Lege' berria

Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.


Laudioko Gaztetxearen aldeko elkartasun jaialdiak antolatu dituzte Laudion, Bilbon eta Gasteizen

Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]


2022-12-16 | Iñaki Agirre
“Ez dugu ekimen erreformistarik nahi, Mozal Legearen indargabetzea eskatzen dugu”

Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]


Eguneraketa berriak daude