Kurdistanek bizi duten egoera salatzeko, hamarnaka pertsona bildu ziren ostegun arratsaldean Arriaga antzokiaren aurrean, herri kurduaren aldeko elkartasun plataformak deituta. Askapena, Komite Internazionalistak, Newroz eta GITE-IPES elkarteek osatzen dute plataforma.
Kontzentrazioan “Estatu inperialisten” jarrera arbuiatu dute; horien artean, Israel, AEB, Europar Batasuna, Qatar eta Saudi Arabia. Herrialde horiek, Estatu Islamikoekin duten harremana gaitzetsi dute, “finantzatu, armatu, babestu eta antolatu” egin dutela salatuz.
Armada islamiarrak Rojavaren (Siria iparraldeko lurraldea) aurka egindako erasoak eta azken aldian Kobanêk jasaten duen jazarpena salatzeko antolatu dute ekimena. Sirian gerra hasi zenetik, Rojava autogobernua sustatzen hasi zen, inongo bereizketa erlijioso eta etnikorik gabe.
Herrialde kurduaren aldeko elkartasun plataformak “estatu inperialisten” jarrera gaitzetsi eta Rojavan “beren herriaren askatasunaren alde” borrokan dabiltzan YPG eta YPJ segurtasun indarrei babesa eta elkartasuna adierazi die.
Ibrahim Bilmez abokatua da eta Abdullah Öcalan buruzagi kurdua da bere bezeroa. Bere isolamendua salatu du Euskal Herrian otsailean, Turkiako errepresio eta inpunitate mekanismoak azalduta.
1999ko otsailaren 15ean Abdullah Öcalan atxilotu zuten, Kurdistango Langileen Alderdiko (PKK) eta mugimendu independentista kurduko burua. Turkiako zerbitzu sekretuek Kenyan atxilotu zutenetik, Marmara itsasoko uharte batean dagoen Iämralä-ko kartzelan isolatuta... [+]
Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.
Urtzi Urrutikoetxea nazioarteko kazetariarekin mintzatu gara Radio Kobanen, iaz idatzitako Kurdistan-Argi bat ekialde hurbilean liburuari buruz. Testuak azken urteetako gertakizunei erreparatzen die, eta atzerago ere begiratzen du herri kurduaren egoera politikoa eta... [+]