Euskal diasporari buruzko "Guk" dokumentala estreinatu da
Nuria Vilaltak Argentinakoeta Uruguaiko Euskal Diasporaren inguruan egindako "Guk" dokumentala osrik ikusi daiteke interneten.proiektu honek ez du ditu laguntzarik jaso eta gastuei aurre egiteko, nahi duenari aukera eman diote Interneten bere ekarpen egiteko.
Guk, nosotros. from GUK on Vimeo.
Nuria Vilalta zuzendariak, Argentinara iritsi zenean, bertan zeuden euskaldunekin eta beraien ondorengoekin egin zuen topo. Beraiek zuten euskal sentimentuarekin harrituta, dokumental bat egitea erabaki zuen. Hiru urteko lana izan da dokumental hau aurrera ateratzea; horretarako kolaborazio eta lagun askoren laguntza jaso du zuzendariak.
Dokumental honen tesia edo helburua,Euskal Herria maite dutenak elkartzea da, bai Euskal Herrian baita kanpoan daudenak ere. 60 minutu pasatxo irauten duen dokumental honek Argentinan eta Uruguain bizi diren euskaldunen hitz eta ideiak plazaratzen ditu.
Zuzendariak esan duenez, dokumentala "Zine jaialdietara zuzenduta egongo da, baina horrek ez du esan nahi bestelako bideak alde batera utziko ditugunik. Helburua lana ahalik eta jende gehienak ikustea denez, gaur egungo teknologiak eskaintzen dituen bide guztiak erabili ahal eta behar dira".
Kazetaritza independentea eta profesionala egiten dugu, euskaraz eta euskaldunontzat.