Gose greba luzearen ostean, Kostas Sakkas anarkista greziarra espetxetik atera da

  • Kostas Sakkas anarkista greziarra aske geratu da, 38 egunez gose greba egin ostean.


2013ko uztailaren 11n - 00:00
Azken eguneraketa: 2015-02-26 13:37:33
Kostas Sakkas aske geratu da gose greba luzearen ostean.

Baldintza gogorrak jarri dizkiote kalera ateratzeko: 30.000 euroko fidantza ordaindu du, Atikako prefekturatik irtetea debekatu diote, astelehenero polizia-etxera aurkeztu beharko du, bere auzian inplikatutako edozein pertsonarekin harremanetan jartzea ere debekatua izango du eta gurasoen etxean bizitzeko baimena bakarrik edukiko du.

951 egun zeramatzan kartzelan Sakkasek, armak edukitzea eta talde terroristako kidea izatea egotzita. Espetxeratze prebentiboaren gehienezko epea betetzear zela (hemezortzi hilabete, Greziako legediaren arabera), talde terroristako kide izateaz akusatuta kartzelaldia luzatu zioten.

Epaiketarik gabeko epe luze horri aurre egiteko hasi zuen gose greba eta ekimenak oihartzuna izan zuen Greziako iritzi publikoan, baita nazioartean ere: Twitter bidez #free_Sakkas etiketa erabiliz presoa askatzearen aldeko mezu ugari zabaldu ziren eta The Guardian egunkariko orrietara ere iritsi zen albistea.


Kanal honetatik interesatuko zaizu: Grezia
Nabigazioaren historiaren argazkia

2019an, Greziako Kasos uharteko uretan, ikerlan bat abiatu zuten Ikerketa Helenikoen Fundazio Nazionalak eta Greziako Kultura Ministerioak. Lanaren emaitza berriki jakinarazi dute: guztira, hainbat garaitako hamar ontzi-hondar aurkitu dituzte. Zaharrenak 5.000 urte inguru ditu... [+]


Frontexek bazekien ‘Adriana’ ontziko migratzaileak arrisku larrian zeudela, baina ez zuen ezer egin

Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]


Sexu bereko pertsonen arteko ezkontza onartu du Greziak

Berdinen arteko ezkontza legeztatzen duen lehenengo herrialde kristau ortodoxoa da.


Oxala

Ez naiz Greziako Lesbosetik itzuli zaharra. Bertan, Mitilene-n, Zaporeak Elkarte euskaldunak 2.700  asilo eskatzaile ingururi egunean otordu bat eskaintzen die: arroza eta potajea, pita ogia eta fruta ale bana. Duintasunaren muga, 150 gramo errazioko. Arazoa da Kara-Tepeko... [+]


2023-09-26 | Gedar
78 orduko lan astea legeztatu dute Grezian

Egunean hamahiru ordurainoko lanaldiak eta sei eguneko lan asteak; alegia, 78 ordurainoko lan asteak. Horiexek dira Greziako Gobernuak, azken lan erreformaren barruan, legeztatu dituen gehienezko lan orduak. Aurreko ostiralean onartu zuten Kyriakos Mitsotakis lehen ministroak... [+]


Eguneraketa berriak daude