Gomazko pilota batek tirokatuta, emakume batek ezkerreko begiko ikusmena gal dezake Bartzelonan

  • Esquadra Mossoek jaurtitako gomazko pilota batek ezkerreko begian ikusmenik gabe utz dezake 42 urteko emakume bat Bartzelonan. Asteazkeneko greba orokorraren karietara antolatutako manifestazio batean kargatu zuen Kataluniako polizia autonomikoak eta emakumeak, zaurituta, Sant Pau ospitalera joan behar izan zuen. Ospitalean begia salbatzea lortu zuten baina ikusmena galduko du ziurrenik.


2012ko azaroaren 16an - 00:00
Azken eguneraketa: 2015-02-26 13:37:33
Bartzelonan zauritutako emakumea (argazkia: Edu Bayer / Eldiario.es)

Felip Puig Kataluniako Generalitateko barne sailburuak ukatu egin du Esquadra Mossoek emakumea zauritu zen inguruan tirorik jaurti zutenik.

20:30ak inguruan Passeig de Gràcia eta Katalunia plazaren artean jaso zuen tiroa emakumeak. Stop Bales de Goma mugimendua erasoaren irudiak eta lekukoak bilatzen ari da info@stopbalesdegoma.org e-posta helbidean.

Poliziak erabiltzen dituen gomazko pilotak arma arriskutsua direla behin baino gehiagotan frogatu da. Euskal Herrian, Iñigo Cabacasen heriotzaren ondoren mota horretako materialei buruzko eztabaidak zeresana eman zuen, EAEko Herrizaingo Sailak piloten erabilera mugatuko zuela iragartzeraino. Dena den, bai Ertzaintzak, bai Esquadra Mossoak bezalako indar polizialek gomazko pilotak erabiltzen jarraitzen dute.


Kanal honetatik interesatuko zaizu: Gomazko pilotak
Gomazko pilotak erabili al ditu Ertzaintzak Gasteizen, lehen aldiz Cabacasen heriotzaz geroztik?

Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]


2024-02-14 | ARGIA
Ertzaintzak begia larri zauritu dion gaztearen aita
"Ez da bidezkoa, hamasei urte ditu; bada garaia gauzak aldatzeko eta asko gainera"

Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]


Hainbat protesta deitu dituzte Tolosako polizia-kargak salatzeko

16 urteko gazte billabonatar batek zauri larriak izan ditu begiaren inguruan, Ertzaintzak Tolosan igande gauean kargatu ostean. Tolosaldeko Atariak informatu duenez, pilotakada bat eman zioten.


2023-03-15 | Axier Lopez
Espainiako Gobernuak ez du hitza bete: Mozal Legeak indarrean jarraituko du

2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]


Eguneraketa berriak daude