"Gogorra da esatea, baina, niretzat, EHNEk gaur egun baserriari kalte handiagoa egiten dio mesede baino. XXI. mendeko baserriak XXI. mendeko sindikatua behar du", adierazi du zuzendaritza taldeko kide ohi Enrike Gisasolak, EHNE Gipuzkoa utzi eta egitura berria sortuko duten nekazarietako batek.
Gisasolak eta sindikatuko presidente ohi Marije Intxaustik eman dituzte erabakiaren inguruko azalpenak. "Ez dago baldintza demokratikorik gure sindikalismoari buruzko ikusmoldea Gipuzkoako EHNEn garatzeko", esan dute.
Diotenez, haien ikusmoldeak ez du bat egiten gaur egungo zuzendaritzaren ereduarekin. Besteren artean, elikadura burujabetzari balio handiagoa eman nahi diote EHNE utzi duten afiliatuek. Horien artean daude Maite Aristegi EHNEko presidente ohi eta Amaiurreko diputatua, eta Iñaki Lazarobaster EH Bilduko legebiltzarkidea.
"Hau pertsonen arteko ezinikusia baino ez dela diote orain arteko ildoari jarraitzearen aldekoek. Guk esaten dugu ezinikusi hori ondorio bat baino ez dela", adierazi du Gisasolak. "Barnean gehiegi hartu nahi izateak sortzen du gatazka bat. Zaku berean sartzen dira nekazaritzatik aberastu nahi dutenak eta nekazaritzatik bizi nahi dutenak, eta multzo berean sartzerik ez dago, interes ezberdinak dituztelako batzuek eta besteek".
EHNE utziko dutenek jakinarazi dute ez dutela parte hartuko sindikatuak gaur Tolosan egitekoa duen kongresuan.
"Prezioen politika eta nekazari eta abeltzainak jasaten ari diren kostuen igoera izugarria salatzeko", manifestazioa egin dute Nafarroako nekazariek hilaren 3an Iruñean, EHNE-Nafarroa, UAGN eta UCAN elkarteek deituta.
"Larria da esne-sektorearen egoera eta, oro har, nekazaritza-sektorearena", salatu dute EHNE, EHNE Bizkaia, UAGN, UAGA eta ENBA sindikatuek. Asteartean Iruñean egin zuten elkarretaratzea, Mercadona supermerkatu baten aurrean; atzo Gasteizen bildu ziren, Gobernu... [+]
Joan den ostiralean, hilaren 1ean, EHNE Nafarroak VII. Biltzarra egin zuen Artikan eta bertan hautatu zuten datozen lau urteetan nekazarien sindikatua gidatuko duen zuzendaritza.
EHNE eta ENBA sindikatuek deituta, Usurbil eta Hernani artean martxa egin dute abeltzainek asteazken honetan. Supermerkatu kateek ahalik eta prezio baxuenak jartzen dituztela salatu dute, merkatuan lehiatu eta irabazi gehiago lortzeko asmoz. Abeltzainek galerak dituzte, eta esne... [+]
"Abeltzaintza sektoreak ezin du jasan animalien elikaduraren eta, bereziki, pentsuaren kostuaren igoera neurrigabea, mundu mailan funtzionatzen duen merkatu erabat espekulatiboan zerealen balioa handitu delako" salatu dute bi sindikatuek.