Euskal Astea ospatuko dute Ipar Ameriketako Saint Pierre artxipelagoan
Saint-Pierre eta Mikelune izeneko artxipelagoa Ipar Ameriketan dago eta euskal jatorriko jende asko bizi da bertan. 1985. urteaz geroztik Frantziarena da bertako agintea eta guztira ia 6.000 biztanle ditu. Gaur hasi eta igandera bitartean Euskal Astea ospatuko da. Besteak beste pilota partiduak, dantza saioak eta kontzertuak izango dira.
Euskal Herritik 4.000 kilometrotara dagoen Ternua iparraldeko lurralde horretako hizkuntza ofiziala frantsesa da. Etxe atari askotan dituzte jarrita ikurrinak eta bertako banderan ere ikurrina bat agertzen da. Biztanle askok euskal abizenak dituzte: Apesteguy, Borotra, Detcheverry, Goicoechea, Jarán, Légasse eta Lizarraga besteak beste.
Saint-Pierre eta Mikelune hainbat ezaugarrirengatik da berezia: Frantziaren subiranotasuna duen Ipar Ameriketako lurralde bakarra da eta lurraldearen zati bat Europar Batasunaren parte da (euroa erabiltzen dute).
Kazetaritza independentea eta profesionala egiten dugu, euskaraz eta euskaldunontzat.