Gasteizko HalaBedi tabernak kultur egitarau berria abiaraziko du gaur, Fermin Muguruzaren Check Point Rock, Canciones desde Palestina dokumentalaren proiekzioarekin (20:30ean). Asteazkenero jasoko du ekitaldi bat, hurrengoa hilaren 16an: Bertsokatu Txapelketa, otsailaren 9an hasi eta martxoan zehar Alde Zaharreko zenbait tabernaren artean antolatutako bertso liga.
Ikasturtearen hasieran zibereraso bat jasan eta hainbat astez webgunea berreskuratzeko lanetan jardun ondoren, bueltan da Hala Bedi irratiaren web orria. Dagoeneko hasi dira ohiko edukia argitaratzen: Arabako aktualitate albisteak, magazinen edukiak, irratsaioen podcastak,... [+]
Hala Bedi Irratiak 40 urte bete dituela ospatu zuen abuztuaren 6an, lau hamarkada lehenago lehen irrati emisioa egin zuen egun berean.
Aurten, eguneroko Suelta la Olla, Hizpidea eta Arrosa sareak ekoitzitako Zebrabidea magazinez gain, 42 irratsaio propio izango dira entzungai Hala Bedi irratiaren uhinetan. Euskaraz 14 irratsaio egingo dira, 27 gaztelaniaz eta galizieraz bat.