Gasteizen deshazkundeari lotutako Espainiar Estatuko eta Euskal Herriko taldeak bilduko dira
Desazkundea taldeak antolatu du hiru eguneko bilkura. Gaur hasi eta igande arratsaldera arte bilduko dira Euskal Herriko eta Espainiar Estatuko hainbat talde. Dagoeneko nortasun eta praktika dekrezionistak dituzten taldeek hartuko dute parte eta eztabaida teorikoa eta praktikak partekatuko dituzte.
Hitzaldiak, tailerrak, mahai-inguruak eta bestelakoak baliatuko dituzte eztabaidarako, esperientzia berriak ezagutzeko, taldeak aurkezteko. Besteak beste, osasunaz, politikaz, teknologiaz, urbanismoaz eta agroekologiaz mintzatuko dira.
Asteburu luzeko bilkurak lau helburu ditu: Espainiar Estatuan zein talde dauden, nola egiten duten lan, nola ulertzen duten deshazkundea ezagutu; sarea sortu taldeen artean; hazia erein aurrera begira egitasmoak elkarrekin egiteko; antzeko taldeak sortzeko lan egin.
Ondoko loturan urriaren 12, 13 eta 14ko egitarauak, Internetez jarraitu ahal izango diren jardunaldien berri, asteburu osoko bilkuraren inguruko informazioa eta deshazkundeari buruzko informazioa irakur daiteke: Deshazkundearen eta Trantsizioaren II. bilkura
Kazetaritza independentea eta profesionala egiten dugu, euskaraz eta euskaldunontzat.