Madrilgo Justizia Auzitegi Nagusiak atzera bota du 2010eko otsailean Sakanako Gamesaren planta itxi eta 150 langile kaleratzeko aurkeztutako lan erregulazioa.
Nafarroan halako langile kopuru handiari eragiten dion erregulazioa deuseztatzen den lehen aldia da. Epaileak hainbat arrazoi eman ditu enplegu-erregulazioko espedientea (EEE) baliogabatzeko. Besteak beste, erregulazioa “legalitatera ez atxikitzea” argudiatu du.
1996tik Altsasun kokatutako enpresaren zuzendaritzak 2010eko otsailaren 25ean jakinarazi zuen Sakanako planta ixteko beharra. Handik 72 egunetara Espainiako Lan Ministerioak eskaera onartu eta lantegiko ateak itxi zituen.
ELA sindikatuak eraman du kasua auzitara, fabrika horretako langileen gehiengoa ordezkatzen baitu. Madrilek beharginen eskaeraren aldeko epaia eman duen arren, ebazpenaren ondorio zehatzak zeintzuk diren ikusteko dago.
Irabaziak, kaleratzeak eta itxierak
Gamesa korporazioak berregituraketa handiak jasan ditu azken urteotan. Irabaziak izan arren, erregulazio, kaleratze eta itxiera ugari eman dira planta guztietan, baita Euskal Herrian ere.
2012ko urte amaieran 300 langile kaleratu zituen, batik bat, Sarrigurengo lantegian eta Zamudioko egoitza nagusian. Aurtengo maiatzean aldiz, beste 394 behargin bota zituen eta Tuterako lantegia itxi zuen.
Enpresaren bideragarritasuna bermatzea argudiatu izan du zuzendaritzak kaleratze eta itxierak justifikatzeko, baina enpresaren irabaziak gora doaz. 2013ko lehen bederatzi hilabeteetan 31 milioi euro irabazi ditu, salmentak %14 jaitsi diren arren.
Langabezia nehoiz baino apalago da Iparraldean, baina inflazioa beti traba izaten segitzen du ekonomian. 2023ko lehen sei hilabetetako tendentzien berri eman du Baionako Merkataritza eta Industria Ganberak. 210 enpresabururen sentipena bildu dute inkesta batean. Heren batek... [+]
LABek salatu du Espainiako Estatuko lan erreforma onartu zenetik aldizkako lan kontratua dela emakumeen artean nagusi.
Enpresak ABEE bat aplikatzen du, soldata murrizketak, plantillaren langabeziaren kontsumoa eta gastu publikoen igoera dakarrena, nahiz eta irabazi errekorrak izan. Gainera, malgutasuna handitzeko, plantillari "xantaia" egiten diola adierazi du sindikatuak prentsa... [+]
Haurrak eta adinekoak zaintzeagatik lana utzi behar izan duten pertsonen kopurua %42 hazi da Espainiako Estatuan, eta horrek biztanleria ez-aktiboaren igoeraren erdia eragin du. Lanik egiten ez zuten pertsonak ia landunak bezainbeste ziren 2022ko azken hiruhilekoan.
144.903 langabe gehiago daude Hego Euskal Herrian, horien artan %60 emakumeak.