Galdakaoko Formica enpresak 170 langile kaleratuko ditu
Laminatuak egiten dituen Formica enpresak Galdakaon duen lantegia itxi egingo du, eta 205 langileetatik 170 kalean geratuko dira. Lan administratibo batzuk egin behar dituztenek soilik jarraituko dute beharrean. Zuzendaritzaren hitzetan "Galdakaoko enpresa ez da errentagarria", baina langileek diote ez dagoela arrazoirik lantegia ixteko, "nahikoa lan" dutelako.
Formica taldea Zeelanda Berriko Fletcher Building multinazionalaren menpe dago. Galdakaoko fabrika itxita, Espainiako Estatuko ekoizpena Valentziako lantegian kontzentratuko dute.
Zuzendaritzak aurkeztutako erregulazio dosierarren arabera, Galdakaoko langileetako batzuk konpainiaren beste fabrika batzuetan has daitezke lanean, baina langileen iritziz, "kolektiboa apur bat zatitzeko neurri propagandistikoa" besterik ez da hori.
Informazio gehiago:
Galdakaoko Formicaren Itxierari Ez (Facebook)
Kazetaritza independentea eta profesionala egiten dugu, euskaraz eta euskaldunontzat.