Ikas-Bi eskola publikoko gurasoen elkarteak atzo Baionan egindako agerraldian salatu zuenez, Frantziako Hezkuntza Ministerioa eta Euskararen Erakunde Publikoa (EEP) irakaskuntza elebidunaren garapena oztopatzen ari dira.
Paueko Akademia Ikuskaritzak iragarriko duen irakasle kopuruaren murrizketaz mintzatu zen Thierry Delobel Ikas-Biko presidentea, baita EEPren hizkuntza politikaz ere: "Irakaskuntza sareen arteko desberdintasunak indartzen dituzte EEPren hautu estrategikoek". Bere hitzetan, "irakaskuntza publikoak euskararen transmisioaren adar nagusia izan behar du, lehen mailako ikasleen hamarretik zazpi bere baitan baitira". EEPk funtzionamendu "geroz eta teknokratikoagoa" duela eta bere eginbeharra ez duela betetzen gaineratu zuen Delobelek.
