AHTaren aurkako protesta Lapurdin (Kazeta.info)

Lapurdiri dagokionez, AHTaren zundaketa lanak 2014 urterarte geldirik mantentzea erabaki du Frantziak. Hego Lapurdi, Aturri-Errobi eta Errobi Herri Elkargoetako presindenteek atzo Thierry Mariani Frantziako Garraio Ministroarekin egindako bilkuran hartu zuten erabakia.

Horrez gain, atzoko batzarrean erabaki garrantzitsuak hartu zituzten; hala nola, Tren Garraioaren Behatokia sortzea eta 500 metro baino gehiagoko lur desjabetzeak bertan behera uztea, dagoeneko desjabetutako lurrak aurreko jabeeei bueltatuz.

Tren Garraioaren Behatokia sortzea pauso garrantzitsua izan daitekeela esan du Mixel Hiriart Hego Lapurdi Herri Elkargoko presidenteak bileratik irten ostean. Izan ere, behatokiak Lapurdiko AHTak egingo duen ibilbidea ikertuko du, eta lehenengo aldiz, Lapurdiko hautetsiek erabakigunea izango den batzorde batean parte hartzeko aukera izango dute, nahiz eta oraindik irizpide guztiak zehaztu gabe egon.

Desjabetzeei dagokionean, 1.000 metrotik 500 metrora murriztu du desjabetutako lurren eremua. Hori horrela izanda, orain arte desjabetutako lurrak aurreko jabeei itzuliko zaizkie.

Nafarroako Gobernuak aldiz, kontrako neurria iragarri zuen atzo. Izan ere, Nafarroan enplegua sustatzeko AHT lanak ahal bezain azkarren hasiko dituztela esan du Yolanda Barcina Nafarroako presidenteak.