France3k Euskal Herriko tokiko informazioa kentzearen aurkako elkarretaratzea egin dute
Jende andana bildu da Baionako Merkatal eta Industria Ganberaren (MIG) aurrean France3 Euskal Herriko tokiko emankizuna ez kentzeko eskatuz.
Tokiko albistegia emitizen den ordu berean elkartu dira. Aste Santuan eta Eguberriko oporraldian emisioak bertan behera uzteko erabakiaren aurka egin dute protesta. Azaroan eta abenduan mobilizazio gehiago izango direla adieraz dute.
"FR3 Euskal Herri Ez Hunki" kolektiboak azaldu duenez 200 bat lagun bildu dira MIG-eko sarreran.
Bezperan, France 3 telebista kateak Baionako erredakzioan egiten duen albistegia murrizteko harturiko erabakia salatu dute Ordezkari politikoek. Zuberoa, Lapurdi eta Nafarroa Behereko, 150 hautetsietatik 90ek mozioa sinatu dute. 90 hautetsiok sinatutako kexa Frantziako Kultura ministroari Aurélie Filippettiri igorriko diote.
Kazetaritza independentea eta profesionala egiten dugu, euskaraz eta euskaldunontzat.