Lehen akordioa lortu dute FARCek eta Kolonbiako Gobernuak: Lurra

  • FARC gerrillaren eta Kolonbiako Gobernuaren arteko bake negoziazioen lehendabiziko puntua da nekazaritza-erreforma. Bi aldeek eta nazioarteko ordezkariek txalotu dute lurrari buruzko akordioa lortu izana.


2013ko maiatzaren 27an - 00:00
Azken eguneraketa: 2015-02-26 13:37:33
Bake prozesuaren sei puntuetako lehenengoa da nekazal-erreformari buruzkoa. (Argazkia: Colombia.com)

Gobernuko eta FARCeko ordezkariek plazaratu eta Rebelion agerkariak bere webgunean paratu duen agirian irakurri daitekeenez, sei punturen gaineko akordioa adostu dute: Lurraren erabilera, Garapen programak, Azpiegiturak, Gizarte garapena (osasuna, ur edangarria, hezkuntza eta etxebizitza; eta pobrezia errotik kentzea), Ekonomia solidario eta kooperatiboa, eta Elikadura politika.

Bi aldeek diotenez, Kolonbiako nekazal-errealitatean "muturreko aldaketak" eragingo ditu akordioak. Helburutzat du lur-sailik ez duten edo nahikoa lurrik ez daukaten herritar ahalik eta gehienek lur-saila izan dezaten lortzea. Bakerako Lurren Funtsa sortuko dute horretarako.

Besteak beste, nekazal katastroa eguneratzeko konpromisoa hartu dute, segurtasun juridikoa eta informazioaren zabalpen eraginkorragoa bilatze aldera. Halaber, "etorkizuneko belaunaldiak kontuan hartuta", nekazal ustiaketari mugak ezartzea erabaki dute, ingurumen interes berezia duten eremuak babesteko.

Bake negozioazioen lehen puntuaren ingurko akordioa lortuta, ekainaren 11n helduko diote gainerako bost puntuak lantzeari, Habanan egiten ari diren elkarrizketetan.

Hain justu, Kubaren eta Norvegiaren esku hartzea eskertu dute FARCek eta Kolonbiako Gobernuak, "prozesuaren bermatzaileak" diren heinean. "Prozesua laguntzen ari diren" Txile eta Venezuelaren lana ere nabarmendu dute. Nicolas Maduro eta Evo Morales Venezuela eta Boliviako presidenteek "historikotzat" jo dute akordioa.

Ban Ki-moon NBEko idazkari nagusiak ere elkarrizketa prozesua txalotu eta bere bitartekaritza eskaini du.

 

 


Kanal honetatik interesatuko zaizu: FARC
FARCeko disidentzia talde nagusiak iragarri du Gobernuarekin bilduko dela Norvegian

Kolonbian, FARC gerrilaren disidentzia-talde handienak adierazi du bakerako borondatea adierazi dutela eta Gobernuarekin elkarrizketak abiatuko dituela Norvegian, berak hala proposatuta. Eragile sozialekin eginiko topaketa batzuetan egin du iragarpena.


2023-01-02 | Leire Artola Arin
Su-etena adostu dute Gustavo Petrok eta bost talde armatuk ekainaren 30era arte

Kolonbiako presidentetza hartu zuenetik “erabateko bakea” izan du helburu Petrok, eta 2023 urtea su-etena sinatuta hasi dute herrialdean: ELNrekin, FARCeko disidentziekin, eta zenbait talde paramilitarrekin hitzartu dute. Ekaina amaitu arte egongo da indarrean,... [+]


2022-09-19 | ARGIA
“Erabateko bakerako” elkarrizketak hasi dituzte Kolonbiako Gobernuak eta FARCeko disidentziek

Lehen bilera egin dute ordezkariek Caqueta departamenduan, NBEko eta Norvegiako begiraleekin. “Erabateko bakerako” elkarrizketen bidea ireki dute asteburuan, eta azpimarratu dute beharrezkoa izango dela bi aldeek su-etena errespetatzea bitartean.


2022-05-29 | Xuban Zubiria
Alberto Pinzón eta Alexander Ugalde
"Tamalez, askotan errazagoa da gerra egitea"

Kolonbiak pasa den urtean bizitako eztanda sozialaren erdian argitaratu zuen Alberdaniarekin Freytter elkarteak Confieso que he cumplido con la amistad (Aitortzen dut, laguntasunarekin bete dut). Alberto Pinzón mediku eta militante historikoaren ibilbidea laburbiltzen... [+]


2022-02-09 | Ibai Trebiño
FARCeko disidenteak eta ELN, gerra bete-betean

Kolonbia eta Venezuela banatzen dituen mugan, Kolonbiako Arauca estatuan, gerra bortitza piztu da azken hilabeteetan ELNren eta FARCeko disidenteen artean. Baina zer ari da gertatzen? Ideologiaz harago, muga-eremu baten logikatik ulertu behar da gatazka, mugalde estrategikoa... [+]


Eguneraketa berriak daude