Ezkutuan ziren Pinedo eta Ruiz atxilotu dituzte Gasteizen desobedientziaren aldeko martxaren ostean

  • Gasteizen Goizane Pinedo eta Unai Ruiz 'Pou' atxilotu ditu Ertzaintzak desobedientziaren aldeko martxa baten ostean etxebizitza bateko leihoan kateatuta agertu ostean. Ehunka pertsonaren babesa izan dute.


2014ko urtarrilaren 18an - 00:00
Azken eguneraketa: 2014-03-25 09:12:03

Naiz.info-ko kazetari Ion Telleriak grabatu du atxilo eraman dituzten uneko bideoa.

Ondorengo bideoan ikus daiteke, martxaren ostean leihora irten diren unea. Naiz.info-ko bideoa.

Goizane Pinedok eta Unai Ruizek Auzitegi Nazionalean deklaratzeari uko egin zioten, eta ezkutatu egin ziren Irati Mujika eta Idoya Iragorrirekin batera. Desobedientziaren aldeko hautua egiten zutela adierazi zuten. Gaur atxilotu dituzten bi gazteak 2009an ere atxilotu zituzten Segiko kide zirela egotzita, eta torturatu egin zituztela salatu zuten. Joan den astean Irati Mujika atxilotu zuten, eta beraz, Idoya Iragorri da ezkutuan jarraitzen duen bakarra.

Epaiketak otsail hasierarako amaitzea espero da.


Kanal honetatik interesatuko zaizu: Desobedientzia zibila
Blokeo egunaren harira, gibelapenezko 800 euroko isuna jaso dute bederatzi bakegileek

Otsailaren 2an epaituko dituzte beste hamaika bakegile, uztailaren 23an autopista blokeatzeagatik. Elkarretaratzera deitu du Bake Bideak, datorren ostegunean 13:00tan jarriz hitzordua Baionako auzitegi aitzinean.


Euskarazko brebeta azterketen emaitzak banatzeko ekitaldia eginen dute uztailaren 12an elkargoan

Euskal Hirigune Elkargoaren babesarekin, euskaraz erantzundako zientzietako azterketen zuzenketa antolatu dute asteartean Baionako Arteen Hirian, eskatzen diren baldintzak errespetatuz.


2022-07-04 | Hala Bedi
Peio Jorajuria (Seaska)
"Bide guztiak itxiak zirenez desobedientziaren bidea hartu dugu"

"Duela gutxi arte osoki euskaraz egiten zuten gure ikasleek brebeta eta orain zientzietako froga euskaraz egitea debekaturik dugu".


Epaile batek adierazpen askatasuna mozal legearen gainetik jarri, eta KEMeko ekintzaile bat absolbitu du

2019an BBVAren Akziodunen Batzarra gauzatzen ari zen bitartean egindako protesta baten harira, sei pertsona identifikatu zituen Ertzaintzak, eta mozal legea aplikatuz horiei isuna jartzea proposatu zuen. Sei kideetako bat absolbitu du berriki Gasteizko epaile batek, ekintzari... [+]


Eguneraketa berriak daude