Gazteen artean euskara zenbat erabiltzen den eta zein generotan egiten duten ikertzeko lau urteko beka aurkeztu zuen atzo Mintzola Fundazioak. Halaber, hitanoa sustatzeko ekimenak jarriko dituzte martxan. Zumaian eta Azpeitian egingo dituzte, eta eskoletan landuko dituzte. Webgune bat ere jarri dute martxan Mintzolaren helburuak, egitasmoak eta informazioa eskuragarri ipintzeko.
